©️
我諗我永遠都唔太明白點為之
「出到嚟做嘢就好難識朋友」，
或者係...

©️
我諗我永遠都唔太明白點為之
「出到嚟做嘢就好難識朋友」，
或者係我身邊永遠都圍繞着好多小朋友，
基本上所有人都比較似同學，
而我同Colin一齊上完一年班之後，
就連續九年都係隔離班，
好彩我哋參加咗好多課外活動。

我見證着呢個人每步都驚驚青青，
去到完全獨當一面，
依家仲玩到退學，
都咪話唔經典。

我記得當晚明明揸咗車你都逼我飲紅酒，
明明我都唔飲酒，
但既然有個咁大嘅決定咁開心，
飲囉，飲住紅酒仲要播錦繡前程，
依家再諗返好多一齊玩嘅畫面，
你話人生係幾咁高速？
你都由迷你四驅車玩到真嘅四驅車啦，
我都由以為你係基到經常打攪你兩公婆，
我都好期待我哋剩低嘅時間仲會一齊做啲咩。

我諗我哋都仲有一段時間可以倒數，
離開公司之後，係人生嘅倒數，
我唔知道我哋會喺各自嘅賽道嗰度跑得幾快，
不過我諗我哋會跑得幾開心㗎，
我每一日都做緊我自己鍾意做嘅嘢囉，
我知道你都係，所以一啲都唔擔心，
尋日你叫我整喊你，
整喊你有幾難吖，
以後要一齊keep住笑容向前衝，
先係真正嘅難度吖嘛！

點返首歌俾你啦麥麟號：

Let's Go! Let's Go! Let's & Go!!
去吧! 再沒有問號
拋去一切的困惱
堅決相信終可創出我道路
對目標進發　向著前去衝
Get The World!

Be Brave, Have Fun, my四驅兄弟。

---